பிரம்மதேவனிடம் வரம் பெற்ற விருத்திகாசுரன் என்னும் அசுரன் தேவலோகத்தின்மீது போர் தொடுத்தான். கடும்போரின் முடிவில் இந்திரன் தனது வஜ்ராயுதத்தால் விருத்திகாசுரனைக் கொன்றான். அதனால் ஏற்பட்ட தோஷம் நீங்க, இத்தலத்திற்கு வந்து சிவனைப் பூசித்து மீண்டும் இந்திரப் பதவி பெற்றான் என்று தலவரலாறு கூறுகிறது.

மூலவர் 'ஆரண்ய சுந்தரேஸ்வரர்' என்னும் திருநாமத்துடன், அழகிய லிங்க வடிவில் மேற்கு நோக்கி காட்சி அளிக்கின்றார். அம்பிகை 'அகிலாண்ட நாயகி' என்னும் திருநாமத்துடன் தரிசனம் தருகின்றாள். அழகிய சிறிய திருவுருவம்.

இத்தலத்து விநாயகப் பெருமானை நண்டு வழிபட்டதால் 'கற்கட மகா கணபதி' என்று அழைக்கப்படுகிறார்.

திருஞானசம்பந்தர் ஒரு பதிகம் பாடியுள்ளார். இக்கோயில் காலை 7 மணி முதல் 11 வரையிலும், மாலை 5 மணி முதல் இரவு 8 வரையிலும் திறந்திருக்கும். தொடர்புக்கு : இராஜா சுந்தரேச குருக்கள் - 94439 85770.